Пэдди Пимблетт: "Менга ҳали ҳам паст баҳо беришмоқда"

У матбуот анжуманида шундай деди:

"Одамлар мени ҳали ҳам паст баҳолайди ва менга эътибор бермайди. Чендлер ҳам бу ҳақида гапириб: "Мен Гэтжи, Хукер ва Порье билан жанг қилдим. Пэдди уларнинг ҳеч бирига тенг эмас", дейди.

Мен октагонга қайтиб, яна жанг қилишни сабрсизлик билан кутяпман.

Майк — Bellatorнинг афсонаси. У ерда неча марта камарни қўлга киритган. UFCда эса у жуда томошабоп жангчига айланди. Аммо унинг натижалари яхши эмас: икки ғалаба ва тўрт мағлубият.

Мени илҳомлантирадиган нарса — Чендлер ҳар доим жангни оверхенд ёки чап хук билан бошлашга уринади. Бу мендаги адреналинни кўпайтиради. Майк мухлисларга шоу қилиб бериш учун келади. Ва бу менга ёқади.

Аммо мен билан унинг орасидаги энг катта фарқ — жангдаги интеллектуал даража. Мен ҳурматсизлик қилмоқчи эмасман, аммо Чендлер ММАдаги энг паст IQга эга жангчилардан бири. Шунинг учун геймплан жуда муҳим бўлади", — деди Пимблетт UFC матбуот хизматига.