14 мар 13:59
Янгиликлар

Теннис

Пьер-Юге Эрбер иккинчи финалчи

Франциянинг Марсель шаҳрида ўтказилаётган ATP турнири ўз якуни сари яқинлашмоқда.

Бугун бош соврин учун финал учрашуви бўлиб ўтади. Дунёнинг 93-ракеткаси Пьер-Юге Эрбер ўз ватанида ўтказилаётган турнирнинг иккинчи финалчисига айланди. Мезбон ракетка устаси ярим финалда рейтингнинг 31-поғонасидан жой олган ватандоши Уго Умберни мағлуб этди - 6/3, 6/2.

Олтмиш беш дақиқа давом этган бахсда 30 ёшли Эрбер 8 та, 22 яшар Умбер эса бор йўғи битта эйс зарбасини ижро этди. Бугун Эрбер Open 13 Provence турнири бош соврини учун дунёнинг учинчи ракеткаси, россиялик Даниил Медведевга қарши кортга чиқади.