18 июн 16:48
Янгиликлар
Бокс/ММА
Перейра Ган билан жанг учун апелляция беришдан воз кечди. У реванш истамоқда
UFC собиқ чемпиони Алекс Перейра франциялик Сирил Ганга қарши жанг натижасини қайта кўриб чиқиш бўйича апелляция бериш фикридан қайтганини маълум қилди.
Шу билан бирга, у Ган билан реванш жангини ўтказиш нияти борлигини ҳам айтди.
Уларнинг тўқнашуви 15 июнь куни UFC White House — Freedom 250 турнирида бўлиб ўтган ва кечанинг иккинчи асосий жанги бўлган эди. Баҳс иккинчи раундда Сирил Ганнинг техник нокаут орқали ғалабаси билан якунланган. Шу тариқа, Ган оғир вазндаги вақтинчалик чемпионлик камарини қўлга киритган.
"Апелляция беришдан маъно йўқ. Агар Сирил чемпион бўлса, майли чемпион бўлиб тураверсин. Мен хоҳлаётган ягона нарса — реванш. Қоидаларга мувофиқ, ҳалол жанг қилиш имкониятини олмоқчиман. Майдонга чиқиб, ўзимнинг ҳақиқий имкониятларимни кўрсатишни истайман", — деди Перейра.
Ҳавола :
Манба : MMA Junkie
Фикрлар