PFL чемпиони Мовлид Хайбулаевга "ҳукм" ўқилди

Профессионал жангчилар лигаси (PFL) ташкилоти Мавлид Хайбулаевни 2025 йилги ярим енгил вазн тоифаси чемпионлиги ҳамда барча пул мукофотларидан маҳрум қилди. 

"АҚШ антидопинг агентлиги (USADA) Professional Fighters League (PFL)ни 1 август куни Нью-Жерси штатининг Атлантик-Сити шаҳрида бўлиб ўтган PFL 2025 жаҳон турнири финалидаги ғалабадан сўнг, Мавлид Хайбулаевда тақиқланган модда аниқлангани ҳақида хабардор қилди", - дейилади ташкилот баёнотида. - PFL қоидаларига кўра, Хайбулаев дисквалификация қилинди, унинг PFL 2025 Жаҳон турниридаги иштироки бекор қилинди. Дисквалификация натижасида Мовлид 2025 йилги PFL ярим енгил вазн тоифасидаги турнир ғолиблиги, чемпионлик камари ва барча бонуслардан маҳрум этилди".

Эслатиб ўтамиз, Мавлид Хайбулаевнинг дисквалификациясига рекомбинант эритропоэтин (rEPO) тести мусбат чиққани сабаб бўлганди. Допинг намунаси 2025 йил 1 август куни PFL Жаҳон турнири финалида олинган эди.

USADA хабарига кўра, Хайбулаев модда хусусияти ва тест ўтказиш вақти туфайли максимал бир йиллик дисквалификация муддатига эга бўлган. Спортчининг дисквалификацияси жорий йилнинг 1 августидан бошлаб ҳисобланади.