Пике Жокович билан музокара олиб бормоқда

"Бир неча йил олдин менда теннисчилар ўз юртлари шарафини ҳимоя қиладиган турнир ташкил қилиш ғояси пайдо бўлганди. Надаль агар жароҳати бўлмаса ушбу мусобақада иштирок этиш таклифига розилик берган. Биринчи ракетканинг мусобақадаги иштироки бу жуда яхши янгилик.

Новак Жокович агар ушбу мусобақа ATP билан келишилган ҳолда ташкил қилинса қатнашишга рози. У билан Шанхайда кўп гаплашдим. Ўйлайманки, биз музокараларни ҳали давом эттирамиз ва келишувга эришамиз.

Халқаро теннис федерацияси билан тил топиша олганимиздан хурсандман. Бу спортнинг ушбу тури учун янги тарихдир", - деди "Барселона" футболчиси Пике.