01 окт 18:05
Янгиликлар
Теннис
Плишкова Тошкентда 43 минг доллар ишлаб топди
Хабар берганимиздек, бугун пойтахтимиздаги Республика олимпия захиралари теннис мактаби кортларида бир ҳафта давом этган теннис бўйича анъанавий “Тошкент Опен” турнири якунланди.
Соврин жамғармаси 250 минг долларни ташкил қилган ушбу турнир бу йил 18-маротаба ўтказилди. Мусобақанинг яккалик баҳслари ҳал қилувчи финал учрашувида турнирнинг ўтган йилги ғолибаси япониялик Нао Хибино ўз унвонини ҳимоя қила олмади.
Чехиялик Кристина Плишкова 1 соату 46 дақиқа давом этган уч сетдан иборат учрашувда чемпионни 6:3, 2:6, 6:3 ҳисобида мағлуб этиб, “Тошкент Опен”нинг янги чемпионига айланди.
Бугунги муваффақият дунё рейтингида 104-ўринни эгаллаб турган 24 ёшли ракетка устаси учун 43 минг АҚШ доллар мукофот пули ҳамда 280 рейтинг очкосини тақдим этди. 21 ёшли Хибино рейтингда 78-поғонадан жой олганди.
Ҳавола :
Манба : olamsport.com
Фикрлар