28 окт 14:20
Янгиликлар
Теннис
Плишкова Якуний турнирда ғолиб чиқса, дунёнинг биринчи ракеткасига айланади
Чехиялик теннис маликаси Каролина Плишкова Сингапурда давом этаётган Якуний WTA турниридан сўнг дунёнинг биринчи ракеткасига айланиши мумкин.
Ушбу мусобақа бошланиши олдидан бир йўла етти нафар теннисчида Сингапур турнири якунида дунёнинг биринчи ракеткаси бўлиш имконияти бор эди. Гуруҳ босқичидан сўнг улар сони икки нафарга тушиб қолди.
Улардан бири ҳозирда рейтингда карвонбошилик қилаётган руминиялик Симона Халепдир. Симона гуруҳдан чиқа олмаган бўлсада, ҳамон унда ўз мавқейини сақлаб қолиш имконияти мавжуд.
Бунинг учун Каролина Плишкова турнирда ғолиб бўлмаслиги лозим. Агар чехиялик теннисчи Якуний турнирда бош мукофотни қўлга киритса, у ҳолда 2017 йилни дунёнинг биринчи рақамли теннисчиси сифатида якунлайди.
Ҳавола :
Фикрлар