15 июн 20:29
Янгиликлар

Футбол

Погба "Реал" сабаб МЮга бойкот қилмоқчи

Франциялик ярим ҳимоячи Поль Погба фаолиятини "Реал"да давом эттирмоқчи.

Маълумотларга кўра, 26 ёшли хавбек "қизил иблислар" раҳбариятидан уни "Реал"га сотишни сўрамоқчи. Агар манкунианлар францияликка рад жавобини беришса, у бойкот эълон қилиб, клубнинг мавсумолди йиғинида иштирок этмаслиги мумкин. Футболчи "Қироллик клуби"га ўтиш учун маоши камайишига ҳам рози.

Погба якунланган мавсумда АПЛнинг 35та учрашувида майдонга тушиб, 13та гол урди ва 9та голли пас берди. Франциялик ва МЮ ўртасидаги битим 2021 йилнинг ёзида якунига етади.