08 июл 13:20
Янгиликлар

Теннис

Полиция одам вафот этган аварияда Уильямсни айбсиз деб топди (ВИДЕОИСБОТ)

Хабар берганимиздек, америкалик машҳур теннисчи Винус Уильямс уриб юборган машина ичидаги йўловчи воқеадан 14 кун ўтиб, касалхонада вафот этган эди.

Палм-Бич-Спрингс полицияси Винус Уильямс иштирокида бўлган автомобиль авариясини қайта ўрганиб чиқиб, теннисчини айбсиз деб топди. Ўша автоҳалокат натижасида 78 ёшли Жером Барсон шифохонада вафот этганди.

Полиция видеоёзувни кўриб чиққач, Уильямс ўша вазиятда чорраҳани қонун доирасида кесиб ўтганини аниқлади. Айни пайтда теннисчи “Уимблдон” турниридаги иштирокини давом эттирмоқда.