29 мар 15:42
Янгиликлар
Теннис
Полина Кудерметова Чарльстон WTA 500 турнири саралашини муваффақиятли бошлади
АҚШнинг Жанубий Каролина штати, Чарльстон шаҳрида теннис бўйича аёллар ўртасида WTA 500 туркумидаги турнир старт олди.
Мусобақа саралашида ўзбекистонлик Полина Кудерметова ҳам ўз омадини синаб кўрмоқда. У квалифациянинг илк босқичида америкалик 25 ёшли Каролин Ансарига қарши кортга чиқди. Бир соату 47 дақиқа давом этган баҳсда Полина 6/2, 2/6, 7/5 ҳисобида ғалаба қозонди.
Энди 22 яшар Полина мусобақа асосий тўри йўлланмаси учун Нидерландия вакиласи Эва Веддерга қарши баҳс олиб боради. Учрашув бугун бизнинг вақт билан соат 20:00 да бошланади.
Маълумот учун, Кудерметова ҳозирда WTA рейтингида 153-ўринни эгаллаб турибди. У таслим этган Ансари эса рейтингда 295, 26 ёшли Эва Веддер 254-ўринда қайд этилган.
Чарльстон WTA 500 турнирининг умумий мукофот жамғармаси 2 млн 300 минг АҚШ долларини ташкил этади. Мусобақа чемпиони 5 апрель куни аниқланади.
Ҳавола :
Манба : olamsport.com
Фикрлар