15 дек 08:14
Янгиликлар

Теннис

Полина Кудерметованинг Ўзбекистон учун ўйнаши тасдиқланди

Дунёнинг собиқ 54-ракеткаси, айни пайтда WTA рейтингида 104-ўринни эгаллаб турган россиялик теннисчи фуқаролигини ўзгартирди ва бундан буён мамлакатимиз шарафини ҳимоя қилади.

Полина Кудерметованинг Халқаро теннис федерацияси (ITF) расмий сайтидаги исм-шарифи ёнида Ўзбекистон байроғи турибди. 22 ёшли Полина яна бир таниқли теннисчи Вероника Кудерметованинг кичик синглиси ҳисобланади.

Маълумот учун, Полина Кудерметованинг WTA рейтингидаги энг юқори ўрни 54-поғона бўлган. Ҳозирча у WTA турнирларида соврин ютмаган.