Порье Ковингтоннинг "вызов"ига жавоб қайтарди

"Бу кутилганди — унга катта жанг керак, аммо у бирданига титул учун жанг қила олмайди. Сабаби, у икки маротаба чемпионга имкониятни бой берган. Агар у яна чемпионлик камари учун жанг қилмоқчи бўлса, бир-икки жангда ғалаба қозониши керак. 

Менга келадиган бўлсак, яримўрта вазнда жанг қиламанми ёки енгил вазнда қоламанми, ҳали аниқ эмас. У ижтимоий тармоқларда фаол — уни эшитишади, одамлар менга Колби ҳақида савол беришади. Лекин бу шунчаки менинг услубим эмас", - дея таъкидлаган "Бриллиант".

Порье ўзига навбатдаги рақиб сифатида Нейт Диасни афзал кўради ва ёзда у билан жанг қилишдан умидвор.

"Ҳа, бу мен истаган жанг. Ҳар доим акасининг жангларини томоша қилганман, бу тўқнашув мухлислар учун ҳам ажойиб шоу бўлади. Бу Колби билан жангга қараганда ишончлироқ. Умид қиламанки, бу жанг шу ёзда бўлади", - дея сўзларига якун ясади Дастин.