Порье ўз ғалабаси учун пул тикканини айтди

Енгил вазнда америкалик UFC жангчиси Дастин Порье (29-7, рейтингда 2-ўрин) ўз жанги учун пул тикканини тан олди.

"Ҳа, мен ўзимга тикканман. Мақтанадиган ҳеч нарса йўқ, атиги 200 бакс тикканман. Бунақа нарсаларни ўзингиз яхши биласиз. Буни муаммо деб ўйламайман. Ўзингизга қарши пул тикганингиздагина муаммо пайдо бўлиши мумкин. Ўшанда бизда ҳақиқатан ҳам муаммо бўлади", - деди Порье.

Дастин Порье сўнгги жангини 2022 йил 12 ноябрь куни Нью-Йорк (АҚШ)да ташкил этилган UFC 281 мусобақаси доирасида ҳамюрти Майкл Чендлер (23-7, рейтингда 5-ўрин)га қарши ўтказиб, учинчи раундда муддатидан аввал ғолиб бўлган эди.