01 фев 07:23
Янгиликлар

Дзюдо

Португалия Гран-присида йўл қўйилган хатолар муҳокама қилинди ФОТОРЕПОРТАЖ

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов терма жамоамизнинг машғулотларини кузатди.

Машғулот якунланганидан кейин дзюдочилар билан суҳбатлашди. Азизжон Якубжанович дзюдочилар билан суҳбат чоғида Португалия Гран-приси якунлари, Париж "Катта Дубулға" турнирига тайёргарлик масалалари муҳокама қилди.

Федерация раиси дзюдочиларимизнинг Португалия Гран-присидаги хато ва камчиликлари ҳақида гапирар экан, бу ҳолат келаси ҳафта Париж татамиларида такрорламасликни сўради. Бундай нуфузли мусобақалар кичик хато ҳам кечирилмайди, аксинча рақиблар томонидан жазоланади.

Маълумот учун, Париж "Катта Дубулға" турнири 5-6 февраль кунлари "Accor Arena"да бўлиб ўтади. Мусобақа одатдагидек уч кун эмас, икки кун ўтказилиши боис, беллашувлар 5 та татамида ташкил этилади.