29 янв 08:02
Янгиликлар

Дзюдо

Португалия Гран-присининг илк куни биз учун қандай келди?

Алмада шаҳрида дзюдо бўйича мукофот жамғармаси 100 000 АҚШ долларини ташкил этувчи Португалия Гран-присининг биринчи куни ортда қолди.

Йилнинг дастлабки ИЖФ турнирида 5 қитъанинг 41 давлатидан жами 301 (179 эркак, 122 аёл) нафар дзюдочи медаллар ҳамда рейтинг очколари учун татамига чиқяпти. Улар қаторида 11 нафар дзюдочимиз юртимиз шарафини ҳимоя қилмоқда.

Афсуски, мусобақанинг биринчи кунги беллашувлари юртдошларимиз учун медалсиз якунланди. Дзюдочиларимиз илк даврадаёқ Япония, Жанубий Корея, Мўғулистон сингари кучли мамлакат вакилларига қарши татамига чиқишди.

Баҳром Батуров (-60 кг) озарбайжонлик Балабай Агаевга, Мирзоҳид Маҳаммаджонов (-60 кг) кореялик Ҳарим Лига, Муҳриддин Тиловов (-66 кг) япониялик Ямато Фукудага, Ҳалимажон Қурбонова (-48 кг) португалиялик Катарина Костага, Гулнур Муратбаева (-48 кг) эса кореялик Ли Ҳай Кеёнгга имкониятни бой бериб қўйди.