06 ноя 10:30
Янгиликлар

Бокс/ММА

Поветкин чемпионлар - Уайлдер ва Жошуани рингга чорлади

Россиялик собиқ жаҳон чемпиони Александр Поветкин кейинги жангини супероғир вазн тоифаси чемпионлари - Деонтей Уайлдер ва Энтони Жошуанинг бирига қарши ўтказиш истагида эканини маълум қилди.

Поветкиннинг сўзларига қараганда, ҳар икки жаҳон чемпиони ҳам кучли зарбага эга ва бўлажак жанг мухлислар учун ҳам совға бўларди.

“Уайлдер ва Жошуа кучли зарбага эга боксчилар. Агар промоутерларимиз келиша олса, бу мухлислар учун ҳам ажойиб бўларди”, - деди Поветкин.

Маълумот учун, россиялик боксчи кейинги жангини 15 декабрь куни руминиялик Кристиан Хаммерга қарши ўтказади. Аввалроқ, Жошуа - Поветкин жанги келаси йилнинг баҳор ойларида ўтказилиши мумкинлиги хабар қилинганди.