18 окт 09:48
Янгиликлар

Бокс/ММА

Поветкин кейинги жангини ҳам Англияда ўтказмоқчи

Супероғир вазн тоифасида собиқ жаҳон чемпиони Александр Поветкин навбатдаги жангини ҳам Англияда ўтказишни режалаштирмоқда.

Яқинда россиялик боксчи учта йўналиш чемпиони бўлиб турган британиялик Энтони Жошуага чемпионлик жангида имкониятни бой бериб қўйганди. Лекин Поветкин ҳали бери катта боксдан кетиш ҳақида ўйламаяпти. Унинг навбатдаги жанги 2019 йилнинг апрель ойида ўтказилади.

“Соғлиғим жойида, кайфиятим ҳам. Бир сўз билан айтганда, ҳаммаси супер! Боксдан кетиш ҳақида ўйлаётганим йўқ. Кейинги жангим катта эҳтимол билан апрель ойида Англияда ўтказилади. Ҳозирча рақиб номи маълум эмас”, - деди Поветкин.

Аввалроқ, Александр Поветкиннинг машҳур промоутер Эдди Хирнга тегишли Matchroom промоутерлик компанияси билан шартнома имзолаши мумкинлиги ҳақида айтилганди. Ҳозирда Поветкиннинг Россиянинг “Мир Бокса” компанияси билан ишлаяпти.