09 июн 13:35
Янгиликлар

Каратэ

Премьер-лига. Ниҳоят, деярли бир йиллик танаффусдан сўнг ОЛТИН қўлга киритилди

Бугун Хитойнинг Шанхай шаҳрида каратэ WKF бўйича нуфузли Премьер-лига мусобақаси якунига етади.

Қувонарлиси, икки кун аввал финал йўлланмасини қўлга киритган ҳамюртимиз Достонбек Отаболаев -75 кг вазн тоифасида Премьер-лига чемпионига айланди. У ҳал қилувчи финал беллашувида эронлик кучли рақиб Баҳман Гончен Асгарини мағлубиятга учратишга муваффақ бўлди.

Маълумот учун, Отаболаев финал йўлида Япония, Венгрия, Миср ва АҚШ терма жамоаси вакилларидан устун келган эди. Ушбу ғалаба сабаб Отаболаев Токио Олимпиадаси учун муҳим ва қимматли 900 рейтинг очкосини ҳам қўлга киритди. Каратэчиларимиз бу олтин медални деярли бир йилга яқин вақт кутишди.