Превью. Денис Истомин - Маркос Багдатис ўйини олдидан

Мазкур ATP турнири финалида Денис Истомин кипрлик Маркос Багдатисга қарши кортга чиқади.

Ўзбекистонлик теннисчи финалгача Штруфф, Хачанов, Дональдсон, Сугита каби теннисчиларни мағлубиятга учратди.

Кипрлик спортчи эса бу йўлда Поспишил, Гоёвчик, Лу Яньсюнь, Пелья каби рақибларни мусобақадан чиқариб юборди.



Истомин фаолияти давомида 4 маротаба Багдатисга қарши кортга чиққан. Уларнинг 2тасида Багдатис, яна 2тасида эса Истоминнинг қўли баланд келган:

2009: Истомин - Багдатис 1:2 (3:6, 6:1, 2:6) (Тошкент)
2010: Истомин - Багдатис 1:2 (4:6, 6:7, 7:6) (Москва)
2014: Истомин - Багдатис 3:0 (6:4, 7:5, 6:4) (Мельбурн, Австралия Опен)  
2015: Истомин - Багдатис (рад) 0:0 (2:1) (Ноттингем)

Регламентга кўра, турнир финалчиси ўз ҳисобига 150 рейтинг очкоси ва 96 610 АҚШ долларини ўзига нақд қилиб олади.

Финалда ғолиб бўлган спортчи эса 250 рейтинг очкоси ҳамда 183 435 АҚШ долларига ўз ғазнасини бойитиб олади.



Денис Истомин сўнгги 10та ўйинидан 2тасида мағлубиятга учраган. Кипрлик спортчи эса бундай кўрсаткич 3тани ташкил қилади.

Ўзбекистонлик теннисчи рейтингда 78, Маркос Багдатис эса 113-ўринни эгаллаб турибди.

Истомин фаолияти давомида 1 маротаба ATP турнири ғолибига айланган. Маркос эса 4 маротаба бундай ўйинларда ғолиб бўлган.

Дениснинг фаолияти давомида ишлаб топган мукофот пуллари сони 5 130 928 АҚШ доллари, Багдатиснинг мукофот пуллари эса 8 037 359 АҚШ долларини ташкил қилади.

Ушбу финал баҳсида ҳамюртимизга омад тилаб қоламиз. Навбатдаги мукофот сари олға, Денис!

Азиз Тўхтамуродов тайёрлади