Превью. Денис Истомин - Юичи Сугита ўйини олдидан

Ўзбекистоннинг биринчи рақамли теннисчиси ушбу нуфузли турнир ярим финалига чиқди. Денис бу йўлда Штруфф, Хачанов, Дональдсон каби теннисчиларни мусобақадан чиқариб юборди.

Энди у ярим финалда япониялик Юичи Сугитага қарши кортга чиқади. Маълумот учун, теннисчилар бунгача ўзаро ўйинларда тўқнаш келганлар. 2009 йилда Дэвис Кубоги баҳслари доирасида 6:3, 6:2, 6:2 ҳисобларида мағлубиятга учратган.



Эслатиб ўтамиз, Чэндудаги турнир ярим финалига етиб келган теннисчилар 52 335 АҚШ доллари ва 90 рейтинг очкоси эгасига айланади.

Финалчи 150 очко (96 610 АҚШ доллари), ғолиб эса 250 очко (183 435 АҚШ доллари) эгасига айланади.

Денис Истомин сўнгги 10та ўйинидан 7 тасида ғалаба қозонган. Сугитанинг кўрсаткичи ҳам шундай: сўнгги 10та ўйинда 3тагина мағлубият.



Истомин 25 сентябрь куни эълон қилинган рейтингда 78, япониялик теннисчи эса 43-поғонани эгаллаб турибди.

Томонлар ўртасидаги ўйин эртага бўлиб ўтади.