25 мар 14:15
Янгиликлар

Бокс/ММА

Профессионал боксчимиз рақибини нокаутга учратди

Қозоғистоннинг Алмати шаҳридаги "Almaty Arena"да профессионал бокс кечаси ўтказилди.

Оқшом доирасидаги қизиқарли жангларнинг бири ҳамюртимиз Улуғбек Ҳақбердиев иштирокида бўлиб ўтди. Профессионал бокснинг 72,6 кг, яъни ўрта вазн тоифасида ўз жангларини ўтказиб келаётган Улуғбек олти раундлик жангда рингга кўтарилди.

Ушбу жангда Ҳақбердиев россиялик Карен Аветисянга қарши жанг ўтказди ва рақибини учинчи раунддаёқ нокаутга учратди. Икки йил аввал ҳам Улуғбек айнан Карендан устун келганди. Аветисян реваншдан фойдалана олмади.

Кечаги жанг Ҳақбердиев учун проф рингдаги олтинчиси бўлди. Самарқандлик боксчи шу кунгача ўтказилган 6та жангнинг барчасида ғалаба қозонган. Тўртта жанг муддатидан аввал якунланган.