Промоутер: "Кузда Богачук учун катта жанг ташкил қилишни режалаштиряпмиз"

"У расман WBC чемпионлиги учун мажбурий даъвогар сифатида тайинланган, аммо чемпионлик учун жанг ҳали белгиланмади. Ҳозир вазият бироз ноаниқ. Кўрамиз, Фундора-Цзю жангидан кейин нима бўларкин. Кузда Богачук учун катта жанг ташкил қилишни режалаштиряпмиз. Фундора, Цзю, Ортис ёки Бахрам — буларнинг барчаси Богачук учун ажойиб номлар ва рақиблардир. Сергей ким билан жанг қилишига аҳамият бермайди, чунки у ўзини бу вазн тоифасидаги энг зўри деб билади. Буни исботлаш учун унга шундай жанглар керак. Супер ярим ўрта вазн тоифасида Богачук учун ажойиб рақиблар кўп", дейди Леффлер.

Эслатиб ўтамиз, Бутунжаҳон бокс кенгаши (WBC) супер ярим ўрта вазн тоифасида вақтинчалик чемпион Виржил Ортис ва Сергей Богачук ўртасидаги жангни белгилашни режалаштирган.