Пулев ирқчилик қилгани учун узр сўради

Аввалроқ боксчи "Жошуа мендан кўра кўпроқ офтобда тобланган" деган эди.

"Мен ҳеч қачон бировни ҳақорат қилишни ўзимга эп кўрмаганман. Мени гапларимни контекстдан юлиб олиб бошқача талқин қилишди. Менда бошқа спортчини терисининг ранги билан ҳақорат қилиш фикри ҳеч қачон бўлмаган.

Дўстларим орасида турли ирқ ва миллат инсонлари бор. Уларнинг барчаси ажойиб инсонлар. Мен уларни ҳурмат қиламан. Шунинг учун агар кимдир менинг гапларимдан ҳафа бўлган бўлса улар мени тўғри тушунишларини сўраб қоламан. Агар мени тушуна олишмаса, унда чин дилдан сўзларим учун узр сўрайман",-деди Кубрат Пулев.