30 окт 07:25
Янгиликлар

Теннис

Пуйе Венадаги турнирда бош мукофот соҳибига айланди

Австрия пойтахти Вена шаҳрида теннис бўйича нуфузли турнир ўз якунига етди.

Ҳал қилувчи финал учрашувида франциялик теннисчи Люка Пуйе ҳамюрти Жо-Вильфред Тсонгага қарши кортга чиқди. Бир соату 11 дақиқа давом этган баҳсда дунёнинг 25-ракеткаси бўлган Пуйе 6:1, 6:4 ҳисобида зафар қучди.

Ушбу муваффақиятли иштирок 23 ёшли Люкага 438,505 евро мукофот пули ҳамда 500 рейтинг очкосини тақдим этди. Венада қўлга киритилган соврин унинг фаолиятидаги тўртинчисига айланди.