11 май 08:17
Янгиликлар

Теннис

Қарши “Челленжер”. Ҳумоюн Султонов тўхтатилди

Қарши шаҳрида теннис бўйича мукофот жамғармаси 75 000 АҚШ долларини ташкил қилувчи мусобақа бўлиб ўтмоқда.

Турнирнинг яккалик баҳсларидаги иштирокини давом эттираётган ягона теннисчимиз Ҳумоюн Султонов чорак финалда юришини тўхтатди. Истеъдодли теннисчимиз ярим финал остонасида испаниялик Карлос Болуда- Пуркиссга ютқазди.

Бир соату 48 дақиқа давом этган учрашувда дунё рейтингида 275-ўринни эгаллаб турган Пуркисс 7:6(3), 6:4 ҳисобида зафар қучди. Султонов ATP рейтингида 844-поғонадан жой олиб турибди. Чорак финалга қадар рейтингда ўзидан анча юқорида турган рақибларини мағлуб этган Ҳумоюн душанба куни эълон қилинадиган янги рейтингда яхшигина кўтарилиб олади.