Қаршида совриндор футболчилар эъзозланди

Хусусан, Қашқадарё вилояти болалар-ўсмирлар футбол академиясининг тарбияланувчилари ҳам мазкур чемпионатда фаол иштирок этиб, якунда фахрли иккинчи ва учинчи ўринларни банд этишди. 

Академиянинг 2003 йилда туғилган тарбияланувчилари (мураббийлари Жонибек Эгамбердиев, Константин Боев) иккинчи ўринни эгаллаб, кумуш медалларга эга чиқишган бўлишса, ўз вақтида олий лигаларнинг моҳир футболчиси, ҳозирда тажрибали мураббийи Рустам Тоғаев қўл остида шуғулланаётган 2004 йилда туғилган тарбияланувчилари учинчи ўринни қўлга киритиб, бронза медаль эгаларига айланишган. 

Шунингдек, мазкур академия мураббйилари Насим Шоимов ҳамда Баҳриддин Омоновларнинг шогирдлари ҳам Навоий вилоятида ўтказилган Ўзбекистон кубогида 2006 йилларда туғилан болалардан иборат вилоят терма жамоаси билан иштирок этиб, учинчи ўринни эгаллашга муваффақ бўлишган эди. 

Яқинда Қарши шаҳридаги 47-умумий ўрта таълим мактабида Қашқадарё вилоят футбол ассоциацияси, вилоят болалар-ўсмирлар футбол академияси билан ҳамкорликда маънавий-маърифий спорт тадбири ўтказилди. Тадбир доирасида  академиянинг совриндор жамоаларини  тақдирлаш маросими ҳам бўлиб ўтди. 

Маросимда иштирок этган “Насаф” ПФК бош мураббийи Рўзиқул Бердиев, “Ўзбекистон Қахрамони” унвони соҳибаси Муҳаббат Шаропова, вилоят болалар-ўсмирлар футбол академияси директори Нурали Султоновлар сўзга чиқиб, болалар футболига қаратилаётган юксак этибор ҳақида ўз фикр ва мулоҳазалари билан ўртоқлашишди. 

Тадбир сўнггида совриндор жамоалар ташкилотчилар томонидан эсдалик совғалари билан тақдирланишди.

Шавкат Рўзиев, Қашқадарё вилояти болалар-ўсмирлар футбол академияси маънавият-маърифат ишлари бўйича директор ўринбосари 

Илҳом РАҲМОНОВ, ўз мухбиримиз