24 апр 08:50
Янгиликлар
Теннис
Қаршидаги турнирда бугун ҳам асосий, ҳам саралаш баҳслари ўтказилади
Бугун Қарши шаҳрида эркак теннисчилар иштирокидаги “Фьючерс” туркумига кирувчи турнирнинг асосий тўр баҳслари ҳам бошланади.
Соврин жамғармаси 25 000 АҚШ долларини ташкил қилувчи мазкур мусобақанинг асосий тўр баҳсларида ҳамюртларимиздан Санжар Файзиев, Темур Исмоилов, Жўрабек Каримов, Сергей Фомин, Амал Султонбеков, Саидаъло Саидкаримов ва Шониғмат Шофайзиев тўғридан-тўғри қатнашиш ҳуқуқини қўлга киритган.
Қолган теннисчиларимиз ўз имкониятларини саралаш баҳсларида синаб кўришяпти. Бугун саралашнинг ҳал қилувчи баҳслари ўтказилади. Шу билан бирга бугун асосий тўр учрашувлари ҳам бошланади.
Турнирда 6-рақам остида таснифланган Санжар Файзиев россиялик Денис Мацукевичга, Темур Исмоилов яна бир вакилимиз Амал Султонбековга, Саидаъло Саидкаримов турнирнинг 1-ракеткаси, қозоғистонлик Дмитрий Попкога, Сергей Фомин сербиялик Мики Янковичга қарши кортга чиқади.
Ҳавола :
Манба : olamsport.com
Фикрлар