Қаршидаги турнирнинг асосий тўрида 9 теннисчимиз, Нигина 1-ракетка

Соврин жамғармаси 25 000 АҚШ долларини ташкил қилувчи мазкур мусобақанинг асосий тўр баҳсларида биргина ҳамюртимиз Нигина Абдураимова тўғридан-тўғри қатнашиш ҳуқуқини қўлга киритганди.

Кеча якунланган саралаш баҳсларидан сўнг асосий тўрда бир йўла 9 нафар теннисчимиз иштирок этиши маълум бўлди. Аблдураимова турнирнинг биринчи ракеткаси сифатида қайд этилган.

Албина Хабибулина, Арина Фольц, Камола Умарова, Сарвиноз Саидхўжаева, Полина Меренкова, Лайло Баҳодирова, Милана Масленкова ва Ясмина Каримжонова эса саралаш баҳсларида ғолиб чиқишди.  

Қуръа натижасига кўра Нигина Абдураимова асосий тўрнинг илк даврасида руминиялик Микаэла Бузарнескуга қарши кортга чиқади.

Ҳамюртларимизнинг 1-даврадаги рақибалари:

Арина Фольц – Анастасия Фролова (Россия)

Камола Умарова – Олеся Первушина (Россия, 8)

Милана Масленкова – Ксения Палкина (Қирғизистон)

Албина Хабибулина – Екатерина Яшина (Россия)

Полина Меренкова – Гўзал Айнитдинова (Қозоғистон)

Лайло Баҳодирова – Валерия Савиних (Россия)

Сарвиноз Саидхўжаева – Валерия Страхова (Украина, 7)