19 фев 09:55
Янгиликлар

Теннис

Qatar Open. Квитова қаторасига иккинчи турнир ғолибаси!

Қатар пойтахти Доҳа шаҳрида теннис бўйича нуфузли турнир бўлиб ўтди.

Соврин жамғармаси 3 миллион 198 000 доллардан иборат Qatar Open турнирида Петра Квитова бош мукофот соҳибасига айланди. Чехиялик теннисчи финал учрашувида дунёнинг тўртинчи ракеткаси испаниялик Гарбинье Мугурусани 3:6, 6:3, 6:4 ҳисобида мағлубиятга учратди.

Ушбу муваффақиятли иштирок Петра Квитовага 591 750 доллар мукофот пули ҳамда 900 рейтинг очкосини тақдим этди. Кетма-кет 13та учрашувда зафар қучган Квитова бугун эълон қилинган рейтингда ТОП-10га кириб олди. Бу унинг мавсумдаги иккинчи, фаолиятидаги 22-соврин бўлди.