Қиличбозлик бўйича ёш ҳакамлар учун ўқув семинар ташкил этилди

Семинарда мамлакатимизда қиличбозлик спорти бўйича фаолият олиб бораётган энг тажрибали, етук мутахассис-ҳакамлар ёш кадрлар малакасини ошириш учун назарий ва амалий билим берди.  

"Қиличбозлик бўйича ҳакамлар учун ташкил этилган мазкур семинарда биз назария бўйича олган билимларимизни малакали ҳакамлар назоратида амалиётда синовдан ўтказдик. Ушбу семинарнинг якуний қисмида эса ҳам назарий ҳамда амалиётда олган билимларимиз имтихондан ўтказилди” - дейди Тошкент шаҳридан қатнашган мураббий-ҳакам Чарос Тоғаймуродова.  

Имтихоннни муваффақиятли топширган семинар иштирокчиларига ҳакамлик бўйича маҳсус сертификатлар топширилди.

Ўзбекистон қиличбозлик федерацияси матбуот хизмати