Қирғизистонлик мураббий Франция терма жамоаси бош мураббийига айланди

У мазкур лавозимда маҳаллий мутахассис Гийорм Жилни алмаштирди. 

Энди 1958 йилдан бери илк бор Франция эркаклар гандбол терма жамоасини хорижий мутахассис бошқаради. 

Дуйшебаев ўз навбатида Польшанинг "Кельце" клубидаги фаолиятини паралелль тарзда олиб боради. 

Франция гандбол терма жамоаси дунёда энг совриндор термалардан ҳисобланади - мамлакат олти марта жаҳон чемпиони, уч марта Олимпиада чемпионлигини қўлга киритган. 

Талант Дуйшебаев - Бишкекда туғилган. Ёшлигида аввалига Россияга, кейин эса Испанияга кўчиб кетган. СССР, МДҲ, Россия ва Испания терма жамоаларида ўйнаган. Икки маротаба дунёнинг энг яхши гандболчиси сифатида эътироф этилган. 1992 йилги Олимпиада чемпиони ҳисобланади. 1993 йилда эса Жаҳон чемпионатида ғолиб бўлган.