18 мар 17:17
Янгиликлар
Қишки Паралимпия ўйинлари якунланди, АҚШ биринчи бўлди
9-18 март кунлари оралиғида ўтказилган Оқ Олимпиадада атлетлар 6та спорт турида медаллар шодаси учун баҳс олиб боришди. Якунда умумжамоа ҳисобида АҚШ терма жамоаси ғолибликни қўлга киритди.
Америкалик спортчилар 13та олтин, 15та кумуш, 8та бронза жами 36та медални қўлга киритишди. Иккинчи ўриндан 8та олтин, 4та кумуш, 6та бронза медали билан Россия терма жамоаси жой олди. Кучли учликка Канада терма жамоаси жами 28та медал билан якун ясади. Уларда 8та олтин, 4та кумуш, 16та броназа медали бўлди.
Умуман олганда, 26 давлат терма жамоаларига Жанубий Кореядан камида битта бронза медали билан қайтиш насиб этди. Йигирма давлат жамоалари сафида камида бир нафардан Паралимпия ўйинлари чемпионлари бор. Юртимиз шарафини ҳимоя қилган ягона вакиламиз Ёқутхон Холбекова тоғ чанғиси баҳсларида охиридан иккинчи бўлиб маррага етиб келди.
Фикрлар