19 окт 11:06
Янгиликлар

Футбол

Қосимов Хитой Тайпейи – БАА ўйинини бошқаради

Индонезияда 19 ёшгача бўлган футболчилар ўртасидаги Осиё чемионати бошланди.

Ушбу қитъа чемпионатида ишлаш учун ўзбекистонлик ҳакамлар Шерзод Қосимов ва Андрей Цапенко таклиф этилганди. Гуруҳ босқичидан ўрин олган Хитой Тайпейи ҳамда БАА ўртасида бўлиб ўтадиган ўйинни бошқариш айнан Шерзод Қосимовга ишониб топширилди. Унга қанотда Андрей Цапенко ёрдам беради. Ўйин 21 октябрь куни бўлиб ўтади.

Эслатиб ўтамиз, мусобақада дастлабки 4та ўринни эгаллаган жамоалар келаси йили Польшада бўлиб ўтадиган Жаҳон чемпионатида қатнашиш ҳуқуқини қўлга киритадилар.