Қозоғистонлик дзюдочилар Миракида йиғин ўтказишяпти

Ўзбекистон Республикаси Президенти Шавкат Мирзиёев ва Қозоғистон Республикасининг Биринчи Президенти Нурсултон Назарбоев 2017 йилда олий даражадаги мулоқотлар сўнггида 2018 йилда Қозоғистонда Ўзбекистон йили ва 2019 йилда Ўзбекистонда Қозоғистон йилини ўтказишга келишиб олган эди. 

Бу халқларимиз ўртасидаги ҳамкорлик тарихида ноёб воқеа сифатида қардошлик муносабатларини янги босқичга олиб чиқишда муҳим аҳамият касб этмоқда. Дастур доирасида барча соҳаларда, хусусан спорт йўналишида ҳам ўзаро ҳамкорлик қилиняпти. 

Жумладан, шу кунларда дзюдо бўйича Қозоғистон ўсмирлар ва ёшлар терма жамоаси аъзолари Қашқадарё вилоятининг Шаҳрисабз шаҳри Мираки қишлоғидаги "Оқ сув шамоли" сиҳатгоҳида ўқув-машғулот йиғини ўтказишмоқда. Ушбу қўшма йиғинда Қашқадарё ва Самарқанд вилояти дзюдочилари ҳам иштирок этяпти.