15 окт 13:39
Янгиликлар
Бокс/ММА
Қозоғистонлик Жанибек Алимханули Винченцо Гуальтерини нокаутга учратиб, ўз камарини ҳимоя қилди ва IBF камарини қўлга киритди
Бугун тонгда Розенберг шаҳрида (Техас, АҚШ) ўрта вазн тоифасида WBО чемпиони, қозоғистонлик Жанибек Алимханули ва IBF йўналиши бўйича жаҳон чемпиони, германиялик Винченцо Гуальтери жанги бўлиб ўтди.
Жанг олтинчи раундда Алимханулининг техник нокаут орқали қўлга киритган ғалабаси билан якунланди.
Жанибек бу ғалабаси орқали WBO камарини муваффақиятли ҳимоя қилди ва Гуальтерининг IBF чемпионлик камарини ҳам ютиб олди.
30 ёшли Алимханули май ойида Стивен Батлерни иккинчи раундда нокаут билан мағлуб этган эди. Унинг ҳисобида 15 та ғалаба (ўнтаси нокаут) мавжуд, қозоғистонлик боксчи ҳозиргача мағлубият нима эканини билмай келмоқда.
Винченцо Гуальтери эса ўзининг охирги жангини июль ойида ўтказиб, очколар ҳисобига кўра Эскива Фалькаони мағлуб этганди. Унинг ҳисобида 21 ғалаба (7 таси нокаут билан) ва битта мағлубият бор.
Ҳавола :
Манба : mma.metaratings.ru
Фикрлар