02 дек 10:57
Янгиликлар

Теннис

Қозоғистонни қийинчилик билан ютган Сербия Дэвис Кубоги 1/2 финалида

Теннис бўйича эркаклар терма жамоалари ўртасидаги норасмий жаҳон чемпионати ҳисобланган Дэвис Кубогида яна бир ярим финалчининг номи маълум бўлди.

Таркибида дунёнинг биринчи ракеткаси Новак Жокович бўлган Сербия терма жамоаси Қозоғистонни қийинчилик билан 2:1 ҳисобида мағлубиятга учратди.

Драматик кечган биринчи учрашувда Михаил Кукушкин Миомир Кецмановични 6:7 (7), 6:4, 7:6 (13) ҳисобида мағлуб этди. Иккинчи қарама-қаршиликда Жокович Александр Бубликни 6:3, 6:4 ҳисобида енгиб, мувозанатни тиклади.

Жуфтликлар ўртасидаги ҳал қилувчи учрашувда эса Жокович ва Никола Чачич ҳамкорлиги Андрей Голубев ҳамда Александр Недовесов тандемини 6:2, 2:6, 6:3 ҳисобида таслим этди.

Сербия 1/2 финалда Хорватия терма жамоасига қарши баҳс олиб боради. Ярим финал учрашувлари Испания пойтахти Мадрид шаҳрида ўтказилади.