06 май 16:04
Янгиликлар

Дзюдо

Қозон "Катта Дубулға". Иккинчи кунни ҳам медалсиз якунладик

Россиянинг Қозон шаҳри мезбонлик қилаётган дзюдо бўйича "Катта Дубулға" туркумига кирувчи турнирнинг иккинчи кунги баҳслари ҳам дзюдочиларимиз учун омадсиз келди.

Бугун ўрта вазн тоифасидаги дзюдочиларимиз мусобақа медаллари ҳамда Токио Олимпиадаси йўлидаги рейтинг очколари учун татамига чиқишди. Бугунги белашувларда 4 нафар дзюдочимиз ўз омадини синаб кўрди. Улардан энг яхши натижага тажрибали дзюдочимиз Ғиёсжон Бобоев эришди. Илк даврада рейтинг пешқадами, исроиллик жаҳон чемпиони Саги Мукини мағлубиятга учратган Бобоев нимчорак финалда Пуэро-Рико вакили Адриан Гандиага имкониятни бой бериб қўйди.

Таъкидлаш жоиз, Ўзбекистон терма жамоаси Қозон "Катта Дубулға" турнирида асосан ёш таркиби билан иштирок этмоқда. Бош мураббий Илиадис Илиадис айни пайтда асосий таркиб билан бирга жаҳон чемпионатига тайёргарлик кўрмоқда. Шу боис ҳам натижаларда дзюдочиларимизни ортиқча койимаймиз.