10 сен 20:59
Янгиликлар

Дзюдо

Қозон забт этилди. Дзюдо бўйича Ўзбекистон ёшлари МДҲ ўйинлари ғолиби!

Россия Федерациясининг Қозон шаҳрида ўтказилаётган биринчи МДҲ ўйинларининг дзюдо мусобақаси жамоалар ўртасидаги беллашувлар билан ўз якунига етди.

Хабар берганимиздек, ушбу мусобақада Ҳамдўстликнинг 6 давлат терма жамоалари медаллар учун татамига чиқишди. Ярим финалда МДҲ ўйинлари мезбони - Россияни 5:2 ҳисобида мағлуб этган дзюдочиларимиз олтин медаль учун кечган ҳал қилувчи учрашувда Озарбайжон терма жамоасидан ҳам устун келишди - 5:3!

Озарбайжон кумуш, Россия ва Қозоғистон терма жамоалари бронза медаллари билан тақдирланишди. Жамоавий баҳсларда чемпионлик шоҳсупасига кўтарилган дзюдочиларимиз Ўзбекистон спорт делегациясига умумий ҳисобдаги 22-олтин медални тақдим этишди.