Қудратилло Абдуқаҳҳоров нима учун рақибини нокаутга учрата олмаганини айтди

"Табриклар учун раҳмат. Жанглар жуда қизиқарли кечди. Менга қарши рингга чиққан африкалик рақибим ҳам кучли, чидамли боксчи экан. Худога шукр, якунда барибир ғалаба мен томонда бўлди.

Нима учун нокаут қила олмадим? Рақибим зарбаларга дош бера оладиган, чидамли боксчи эди. Бу жанг мен учун яхшигина тажриба бўлди.

Ўзбекистонда илк маротаба бундай катта бокс шоуси ўтказилмоқда. Аренага яхшигина мухлис ташриф буюрди. Шу сабабли ҳам боксчиларда бироз ҳаяжон бўлди. Шахсан ўзимда ҳам Ўзбекистонда жанг қилаётганимда ҳаяжон юқори бўлади.

Мени қўллаб-қувватлаб турган барчага раҳмат айтаман", - деди Қудратилло Абдуқаҳҳоров.