Қудратилло Абдуқаҳҳоровнинг 5 май кунги рақиби маълум бўлди

Юқори савияда ташкил этилиши режалаштирилган бокс оқшомида Қудратилло Абдуқаҳҳоров ҳам рингга кўтарилади.

Olamsport.com сайтига маълум бўлишича, Қудратилло ўша куни Танзаниядан ташриф буюрадиган Кваха Кидукуга қарши жанг қилади.

Маълумот учун, Қудратилло профессионал рингдаги фаолияти давомида 14 маротаба жанг ўтказган ва уларнинг барчасида ғалаба қозонган (9таси нокаут билан). Танзаниялик боксчи эса 15та жангда рингга чиқиб, шуларнинг 12тасида ғалаба қозонган (7таси нокаут). 2та жангда мағлуб бўлган бўлса, яна 1та жангда дуранг қайд этган.

Аввал хабар бериб ўтганимиздек, оқшомининг марказий жанги ҳамюртимиз Азизбек Абдуғофуров иштирокида бўлади. Ўша куни у WBC Silver камари учун россиялик Дмитрий Чудиновга қарши жанг қилади.

Жанг оқшомида рингга кўтариладиган жуфтликлар рўйхати билан яқин вақтлар ичида таништирамиз.

Мазкур беллашувларда ҳамюртларимизга омад тилаб қоламиз.