Rafa Nadal Open. Cултоновда камбэк эвазига 1/2 финалга чиқди

Мукофот жамғармаси 74,825 еврони ташкил этувчи ушбу турнирда ҳамюртимиз Ҳумоюн Султонов ҳам муваффақиятли одимлаяпти. Rafa Nadal Open by Movistar турнири теннис афсонаси Рафаэль Надаль томонидан ташкил этилаётгани билан ҳам аҳамиятли ҳисобланади. 

Султонов ушбу турнирнинг асосий тўрига саралаш баҳсларидаги ғалабаси эвазига етиб келганди. Мамлакатимизнинг биринчи ракеткаси кетма-кет учта ғалабадан сўнг мусобақанинг 1/2 финалига йўл олди. Кеча у 1/4 финалда иорданиялик Абедаллаҳ Шелбайҳни иродали тарзда мағлуб этди. Биринчи сетни бой берган теннисчимиз якунда ғалабани илиб кетди - 2/6, 7/5, 6/2. 

Таққослаш учун, ўтган ҳафта US Open саралаш баҳсларида бир ғалаба ва бир мағлубият қайд этган Шелбайх дунёнинг 215-ракеткаси бўлиб турибди. Султонов эса ATP рейтингида 264-поғонадан жой олган. Кечаги учрашувда Ҳумоюн 7, Абедаллаҳ эса 6 та эйс зарбасини амалга оширган. Қўшхатолар Ҳумоюнда кўпроқ бўлди - 5 га 3.      

Бугун ватандошимиз мусобақанинг 1/2 финалида дунёнинг 134-ракеткаси бўлиб турган хорватиялик Дуйе Айдуковичга қарши кортга чиқади. Ушбу учрашув бизнинг вақт билан соат 21:30да бошланади. Бу теннисчиларнинг ўзаро иккинчи тўқнашуви бўлади. 2022 йилнинг 22 апрель куни Хорватиянинг Сплит шаҳрида ўтказилган турнирнинг 1/4 финалида Ҳумоюн 2/6, 7/5, 6/3 ҳисобида ғалаба қозонганди. Ўшанда Айдукович турнирнинг биринчи, Султонов эса бешинчи ракеткаси эди.