Рафаэль Надаль Альцгеймер касаллигига чалинган 95 ёшли мухлиси билан учрашди

Мануэланинг набираси Карлос Twitter`да акция уюштириб, барчани касаллик бувисининг хотираларига хавф солишидан аввал кумири билан учрашиш орзусини рўёбга чиқаришга чорлади.

Мадриддаги «Мастерс» ташкилотчилари Карлоснинг ташаббусини қўллаб-қувватладилар. Натижада, Мануэла мусобақанинг чорак финалида қатнашди ва ўйиндан кейин у Надаль билан шахсан учрашди.

«Бугун 95 ёшли бувимнинг орзуси ушалди: у сени кўришни орзу қиларди, Рафа. Унинг Алцсгеймер касаллиги бор. У ҳамма нарсани унутишидан олдин, сени кўришни исташини айтди», - деб ёзган Карлос ўз Twitter`ида.