29 май 12:29
Янгиликлар

Теннис

Рафаэль Надаль ЕЧЛ финалини ВИП трибунадан томоша қилди + ФОТО

"Катта Дубулға" турнирларининг 21 карра чемпиони Рафаэль Надаль ЕЧЛ финали доирасидаги "Реал" - "Ливерпуль" учрашувини жонли равишда кузатди.

Айнан Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнирида муваффақиятли иштирок этаётган Надаль "Стад де Франс" стадионига ташриф буюрди. Надаль билан битта ВИП-ложада "Қироллик клуби"нинг собиқ юлдузи Роналдо ҳам финални томоша қилган.

Табиийки, Рафаэль Надаль Роналдо билан бирга "Реал"га мухлислик қилган. Учрашувда мадридликлар 1:0 ҳисобида ғалаба қозониб, ЕЧЛ бош совринини қўлга киритишди. Бугун Надаль "Ролан Гаррос" турнирининг тўртинчи даврасида канадалик Феликс Ожега қарши кортга чиқади.