Раҳматжон Рўзиохунов: "Боксчиларимиз ҳозирда ўзларининг энг яхши спорт формаларидалар"

Тайёргарликлар яхши бўлди деб ўйлайман. Бир неча вазн тоифасида янги спортчиларни синовдан ўтказмоқчимиз. Олдимизда жаҳон чемпионати ва Олимпия ўйинлари турибди. Эртага баъзи ташкилий масалаларга аниқлик киритилади. Спортчиларимиз баҳсларга бирдамлик билан, жиддий ҳозирлик кўришмоқда. Шунингдек, Таиланд об-ҳавосига ҳам кўникиб бормоқдамиз. Эртага охирги машғулотларимиз ўтказилади. 19 апрелдан дастлабки жанглар бошланади. 

Ўйлайманки, боксчиларимиз айни пайтда ўзларининг энг яхши спорт формаларидалар. Спортчиларни бир йил мобайнида юқори спорт формасида ушлаб туриш қийин ва амалга ошириш деярли имконсиз масаладир.

Олдимизда тўртта халқаро турнир бор. Ўша мусобақаларда биз бошқа спортчиларимизни ҳам синаб кўрамиз", - деди Раҳматжон Рўзиохунов.