Раҳмонов ва Исломов 1/2 финалда, Наврўзов ва Абдураҳмоновда кутилмаган мағлубият

Айни дақиқаларда эркин кураш бўйича саралаш беллашувлари ўтказиляпти. Афсуски, Олимпиада совриндорлари Бекзод Абдураҳмонов ва Ихтиёр Наврўзов ўзларининг илк учрашувларида мағлубият аламини тотиб кўришди. 

74 кг вазн тоифасида курашган Наврўзов 1/4 финалда словакиялик Таймураз Салказанов 0-3, 86 кг вазндаги курашчимиз Бекзод Абдураҳмонов эса 1/4 финалда қозоғистонлик Азамат Даулетбековга 0-8 ҳисобида имкониятни бой берди. 

65 кг вазнда юртимиз шарафини ҳимоя қилаётган Аббос Раҳмонов муросасиз кечган 1/4 финал учрашувининг сўнгги сониясида мағлубиятни ғалабага айлантира олди. Навоийлик курашчимиз ҳиндистонлик Бажранг Бажрангдан 5-3 ҳисобида устун келди. 

Шунингдек, Бобур Исломов ҳам 1/2 финал иштирокчисига айланди. 86 кг вазндаги ҳамюртимиз 1/4 финалда қозоғистонлик Абилайхан Нурсултановдан 10-5 ҳисобида устун келди. Унинг ярим финалдаги рақиби Борис Макоев (Словакия) бўлади.