01 апр 16:43
Янгиликлар

Бокс/ММА

Рақибини тишлаб олган Али лицензиясидан маҳрум қилинди

Британиялик супероғир вазн тоифасидаги 27 ёшли боксчи Кэш Али боксчилик лицензияси, яъни гувоҳномасидан маҳрум бўлди.

Али икки кун аввал ўтказилган жангда рақиби Дэвид Прайсни тишлаб олганди. Бунинг натижасида рефери жангни бешинчи раундда тўхтатиб, Кэш Алини дисквалификация қилган эди.

Бундан ташқари, боксни назорат қилувчи Британия уюшмаси Али учун бериладиган гонорарни ҳам музлатиб қўйди. Ушбу сумма тахминан 20 000 фунт стерлинг эди. Бу ҳали ҳаммаси эмас, уни боксдан икки йиллик четлатиш ҳам кутмоқда.