Расман. 16 февраль куни Тошкент катта профессионал бокс кечаси ўтказилади

Ўзбекистон профессионал бокс федерацияси ҳамда мамлакатимиздаги энг катта SAFPRO промоутерлик компанияси ҳамкорлигида ташкил этилаётган ушбу бокс кечасининг ўтказилиши расман тасдиқланди. 

Унга кўра, 16 февраль куни пойтахтимиздаги муҳташам "Ўзбекистон" спорт мажмуасида бокс ихлосмандлари юртимизнинг кўзга кўринган чарм қўлқоп усталари иштирокидаги жанглардан баҳраманд бўлишади. 

Шу куни Достон Турдиев, Жалолиддин Ўктамов, Олим Назаров, Равшан Худойназаров сингари боксчиларимиз рингга кўтарилади. Бокс оқшомидан бир нечта чемпионлик камари учун ўтказиладиган жанглар ҳам ўрин олган. 

Шунингдек, мазкур бокс кечасида таниқли ММА жангчимиз Нурсултон Black Рўзибоев ҳам ўзининг аралаш қоидалар бўйича навбатдаги жангини ўтказади. Аввал хабар берганимиз, Ҳасанбой Дўсматовнинг илк профессионал жангини ўтказиши ҳозирча номаълум бўлиб турибди.