Расман: Bellator Лигаси тугатилди!

Нуфузи жиҳатидан UFC`дан кейин турган промоушен 17 йиллик фаолиятдан кейин расман тугатилди. Бу ҳақда PFL Лигаси раҳбарлари хабар беришди. Айнан PFL 2023 йилнинг ноябрь ойида Bellator брендини "Парамаунт" компаниясидан сотиб олганди.

"PFL бир йил олдин Bellator MMA лигасини юқори савияли жангчилар ростерига эга экани учун сотиб олганди. PFL бренди аллақачон "ғалаба қозон ва ҳаракатни давом эттир" форматининг синоними ҳамда иновацион маҳсулотга айланиб улгурган. PFL Лигаси буюк ММА спортини ўрнак сифатида кўрсатувчи бренд сифатида ўзини намоён этиб бўлган. Бундан буён барча мусобақалар PFL бренди остида ўтказилади. Bellator бренди эса бой тарихи билан ҳурматга лойиб бўлиб қоларверади", - дейди PFL асосчиси ва бошқарув раиси Донн Дэвис.

Бирлашган тизим PFL Champions Series турнирларини ўтказади. Ҳозирча Усман Нурмагомедов, Патрисио Фрейре, Кори Андерсон сингари Bellator чемпионларининг тақдири номаълум. Улар PFL чемпионлари деб юритиладими ёки PFL камари учун жанг қилишадими, буниси ҳам маълум эмас.