Расман. Бокс бўйича ЖЧ-2019 мезбон шаҳри тасдиқланди

Бу галги жаҳон чемпионатига Россиянинг Екатеринбург шаҳри мезбонлик қилади. Бу ҳақдаги қарорга Свердловск вилояти таклифи бўйича Россия бокс федерацияси келган. 

Аслида жаҳон чемпионати ўтган йилнинг июль ойида тасдиқланганидек Россиянинг бошқа бир шаҳри - Сочида ўтказилиши керак эди. Лекин бироз кутилмаганда қарор ўзгарди. Аммо, мезбон давлат ўз кучида қолди. 

“Бизда катта мусобақаларни ўтказиш бўйича бой тажриба бор. Бокс бўйича жаҳон чемпионатини ҳам юқори савияда ташкил эта оламиз. Бунинг учун барча шароитлар бор”, - деди Свердловск вилояти губернатори Евгений Куйвашев.

Тез орада Халқаро ҳаваскорлар бокс ассоциацияси (AIBA) жаҳон чемпионатининг аниқ санасини эълон қилади. Мусобақанинг ўзи “Екатеринбург-ЭКСПО” халқаро кўргазмалар залида ўтказилади.