10 мар 09:57
Янгиликлар
Дзюдо
Расман! Екатеринбург "Катта Дубулға" турнири ҳам коронавирус сабаб бекор қилинди
Бутун дунёда кенг тарқалиб бораётган ва "аср вабоси"га айланаётган коронавирус сабаб яна бир нуфузли мусобақанинг ўтказилмаслиги маълум бўлди.
Аниқроғи, 13-15 март кунлари Россиянинг Екатеринбург шаҳрида ўтказилиши белгиланган дзюдо бўйича "Катта Дубулға" туркумига кирувчи турнир расман бекор қилинди. Бу ҳақида мусобақа ташкилотчилари Халқаро дзюдо федерациясини огоҳлантириб, барча иштирокчи давлатларга мактуб йўллашган.
Эслатиб ўтамиз, ўтган ҳафта айнан шу хавф туфайли Марокашнинг Рабат шаҳрида ўтказилиши режалаштирилган Гран-при турнири ҳам бекор қилинганди. Гран-при турнири ғолиблари 700, "Катта Дубулға" чемпионлари эса 1000 рейтинг очкосига эга бўлардилар.
Режа бўйича 13 нафар спортчидан таркиб топган Ўзбекистон терма жамоаси эртага тонг саҳарда Екатеринбург шаҳрига жўнаб кетиши керак эди.
Ҳавола :
Манба : olamsport.com
Фикрлар